விஜய் டிவி கடுப்பு நம்பர் 1 சீசன் 3.

இவங்க அலம்பல் தாங்கலயே சாமி.. என்ன கொடுமைடா இது.

விஜய் டீவியின் ஜோடி நம்பர் 1 மட்டுமே ரசிக்கும்படியாக இருந்தது, அதன் பின் நடத்தப்பட்ட ஜோ. நெ. 1 சீசன் 2 வில் பிருத்திவி, லிட்டில் சூப்பர் ஸ்டார் சிம்பு இடையே நடந்த கூத்து மிக பிரபலம்.

அனைத்து தரப்பிலும், பத்திரிக்கைகளிலும் பரபரப்பாக பேசப்பட்டு அதுவே அந்த நிகழ்ச்சிக்கு ஒரு விளம்பரமாக அமைந்து TRP ரேட்டிங்கில் ஏற்றம் காண்பித்தது.

இயல்பாக நடந்தது என்றும், இல்லை திட்டமிட்ட நாடகம் என்றும், பிருத்திவியை ஓரம்கட்ட நிகழ்ச்சி தயாரிப்பாளர்கள், சிம்பு , மற்ற போட்டியாளர்கள் சேர்ந்து கொடுத்த நெருக்கடி அது என பல காரணங்கள் சொல்லப்பட்டாலும், எப்படியோ, அனைத்து களேபரங்களுடன் நிகழ்ச்சி முடிந்து அடுத்த சீசன் 3 ஆரம்பானது சற்று ஆறுதல்.

சிம்பு மட்டுமன்றி மற்றொரு ஜட்ஜ் சங்கீதா, தொகுப்பாளினி டி.டி செய்கின்ற அலம்பல் தனிக்கதை.

இதோ மீண்டும் அதே போல ஒரு நாடகத்திற்கு அச்சாரம் போடப்படுகிறது.. கடந்த இரண்டு எபிசோடுகளில் ஜீவா மற்றும் அவருடன் நடனம் ஆடும் ஜோடி இருவருக்கும் பிரச்சனை. ஜீவா ஒத்துழைக்கவில்லை என அவர் வழக்கம் போல கண்ணீர் விட. இந்த வாரம் நடுவர் எஸ் ஜே சூர்யா தலையிட்டு ஜோடிகளை மாற்ற, வழக்கம் போல் விஜய் டீவி, சோக கீதம் , அதிர்ச்சி கீதம் வாசித்து, நான்கு பேர் அழுவதை காண்பித்து, குழு குழுவாக விவாதிப்பதை காண்பித்து, இறுதியில் ஜீவா நிக்ழ்ச்சியில் இருந்து விலகிக்கொண்டார்..

தோல்வியை தாங்கிக்கொள்ள முடியாமல், தாங்கள் நடிக்கும் சீரியலில் செய்வது போலவே, இங்கும் மேடையில் ஓ வென ஒப்பாரி வைக்கும் இவர்கள் ஏன் போட்டிக்கு வர வேண்டும். அதிலும் 10 லட்சம் பரிசு என அறிவித்த பிறகு இது போன்ற ஒப்பாரி அதிகமாகிவிட்டது..

சீரியல் கில்லர்களே.. சாரி, சீரியல் நடிகர்களே, அங்கே மட்டும் நடியுங்கள் போதும்.

சென்ற முறை விளம்பரத்திற்கு கைகொடுத்த அதே யுக்தி இந்த முறையும் சற்று மாற்றம் செய்யப்படு கையாளப்படுகிறதோ என தோன்றுகிறது..
பங்கேற்ப்பாளர்கள் , நடுவர்கள் , நிகழ்ச்சி தொகுப்பாளர்கள் என அனைவரும் ஓவராக உணர்ச்சிவயப்படுவது என்பது விஜய் டீவியின் அனைத்து நிகழ்ச்சிகளிலும் சமீபகாலமாக தவிர்க்கமுடியாத ஒன்றாகிவிட்டது..

நடன நிகழ்ச்சியின் விளம்பரத்தில் , நடனத்தை பிரதானமாக காட்டாமல் இது போன்ற உணர்ச்சிவயபட்ட காட்சிகள், பரபரப்பு விவாதங்களையே பிரதானமாக 30 நிமிடத்திற்கு ஒரு முறை காட்டுவது, விஜய் டீவி இது போன்ற சலசலப்பை தூண்டிவிட்டு, அதில் வியாபார குளிர் காய்வதாகவே தெரிகிறது.

ஏற்கனவே விஜய் டீ வி தன் நிகழ்ச்சியின் பங்கேற்ப்பாளர்கள் தோல்வியில் அழுவதை க்ளோசப்பில் , சோக இசையுடன் காட்டுதல், தொகுப்பாளினிகளின் ஆடைக்குறைப்பு போன்றவற்றால் நிகழ்ச்சியை ஓட்டுகிறது. இதில் இப்போது இது ஒரு புது ட்ரெண்ட்..

பொழுதுப்போக்கு நிகழ்ச்சியை, பொழுதுப்போக்கு அம்சங்களுடன் நடத்தாமல் , இப்படி உணர்ச்சித்தூண்டுதல் முறையில் நடத்தும் டரெண்ட் நல்லதல்ல என்பதை எப்போது அந்த தொலைக்காட்சி புரிந்துக்கொள்ளப்போகிறதோ??

ஜோடி நம்பர் 1 now பொய் நம்பர் 1

வர வர இந்த விஜய் டிவி தொல்லை தாங்க முடியலே. ஏற்கனவே இந்தத் தொலைக்காட்சி, தமிழ் தெரியாத தமிழர்களுக்குன்னு ஆயிப் போச்சு. ஒரு கிராமாத்தானா, இந்த டீவியே எப்படிப் பாக்குறதுன்னு எனக்குத் தெரியல்ல.

இதில் வருகிற ஒரு நிகழ்ச்சி 'ஜோடி நம்பர் 1'. இது அப்பட்டமான அமெரிக்கத் தொலைக்காட்சியின் தழுவல். இது, 'dance with stars', 'do you think you can dance' போன்ற நிகழ்ச்சிகளின் காப்பி. ஆனா, காப்பி அடிச்சாலும், ஒழுங்கா காப்பி அடிக்கனும். சொந்தப் புத்தியில் எதுவும் அளிக்க இயலாத நம் 'தமிழ்' தயாரிப்பாளர்கள் (குறிப்பா, விஜய்). அமெரிக்கத் தொலைக்காட்சி நிகழ்ச்சிகளைக் காப்பியடித்துக் கொடுப்பது, இப்போது தொடரும் நிகழ்வாகி விட்டது. அமெரிக்காவில், இந்த நிகழ்ச்சிகளின் போது, அழுமூஞ்சி போட்டியாளர்கள் நடத்தும் நாடகங்கள், நம் தமிழ் நிகழ்ச்சிகளில், இயக்குனரால் சொல்லிக் கொடுக்கப்பட்டு, மிகக் கேவலமாக நடிக்கப் படுகிறது.

சமீபத்தில், ஜீவா மற்றும் அந்த அழுமூஞ்சி போட்டியாளர் பங்கு பெறும் ஒரு preview to the show மாதிரி ஒரு கண்றாவி காண்பிக்கப்பட்டது. அதில், ஜீவா (யோவ், உனக்கு ரஜினி மாதிரி விட்டா வேறு எதுவும் தெரியாதா? கனாக்கானும் காலங்கள் கொடுத்த மரியாதை இதில் போய்விடும் போல் இருக்கு!), ரஜினி பாட்டைத் தவிர வேறு பாட்டுக்கு ஆட மாட்டேன் என்று அழும்பு. அந்த அழுமூஞ்சி, காலில் விழுறேன், நான் தேர்ந்தெடுத்த பாட்டுக்கு ஆடுன்னு ஒரே நாடகம். இதில் என்ன ஒண்ணு தெரியுதுன்னா, இதுங்க எல்லாம் நடிக்குதுங்க. ஆனா, சீரியலில் சொதப்புற மாதிரி, ஒழுங்கா நடிக்கத் தெரியல. இல்ல, சொல்லிக்கொடுத்தத ஒழுங்கா பண்ணத் தெரியல. இது பதிவு பண்றது, இதுங்களுக்குத் தெரியாதாம். என்னங்கடா காதுல பூ மரமே வைக்கிறீங்க?

இதுங்க ஒரு வழியா 'ரிகர்சல்' பன்ணி முடிச்சுட்டு, ஆட வருதுங்கலாம். நடுவர்கள் சரியா மார்க் போடலியாம். மேடையில் இன்னும் ஒரு அழுகாச்சி. நடுவர்களின் முடிவு என்ன? அப்பிடின்னு ஒரு பின்குரல் வேற. ஏன்டா, தமிழனுங்கள எந்த அளவுக்கு கேணையனுங்களா ஆக்கனும்னு ஒரு விவஸ்தையே கெடையாதா?

ஏற்கனவே, விஜய் டீவி பாக்கிறவனுங்க தமிழ் மட்டும் தெரிஞ்சுருந்தா தொலைஞ்சானுங்க. பாதி, ஒரு எழவும் புரியாது. நிகழ்ச்சி குடுக்குறவனுங்க எல்லாரும், இங்லிஷ்காரனுங்களுக்கு (அதுவும் உருப்படியா இல்லை!) பொறந்த மாதிரி, பாதி இங்லிஷ் கலந்து பாதி தமிழ் (அப்பிடிதான் சொல்றானுங்க!) கலந்து ஒருத்தனுக்கும் புரியாத, தமிங்கலனுக்கு மட்டும் புரியுற மாதிரி பேசிகிட்டுத் திரியறானுங்க.

தமிழ் தெரிஞ்சவனும், ஏதோ தமிழில் பேசுனா கொன்னு போட்டுற மாதிரி, அறைகுறை ஆங்கிலத்தில் பேசி உயிர எடுக்குறானுங்க. ஜில்லுன்னு ஒரு சந்திப்பு, காபி வித் அனு, அறிந்ததும் அறியாததும் (தலைப்ப பாத்துட்டு ஏமாந்தவன்ல நானும் ஒருத்தன்), EQ2, திறந்திடு சீசேம் இது எல்லாமே தமிழ் மட்டும் தெரிஞ்சவனுக்காக அளிக்கப் படுபவை அல்ல. இப்பிடி சொல்லிகிட்டே போவலாம்.

நான் சொல்ல வறது என்னன்னா, தமிழகத்தில் தமிங்கலர்கள் எண்ணிக்கை ரொம்பக் குறைவு(கிராமங்களில்). தமிழர்கள்தான் அதிகம். அதற்குத் தகுந்த மாதிரி நிகழ்ச்சிகளை அளிக்க கொஞ்சம் விஜய் தொலைக்காட்சி முயற்சி செய்ய வேண்டும். இல்லையென்றால், 'விஜய் டீவி. தமிங்கலர்களுக்கான டீவி' அப்பிடின்னு வெளிப்படையா விளம்பரம் செய்யனும்.

காசு சம்பாதிக்கிறதுக்காக, ஹிட் ரேட் ஏத்துறதுக்காக இந்த மாதிரிக் கேவல வேலைகளில் ஈடுபடக்கூடாது. ஒழுங்கான (தமிழ் மொழியின் சீர் குலையாத வண்ணம் ஓரளவு) நிகழ்ச்சிகளைக் கொடுக்க முன்வர வேண்டும். முடிந்த வரை சொந்தப் புத்தியில் புது நிகழ்ச்சிகளை அறிமுகம் செய்யவேண்டும். கண்மூடித்தனமாக அமெரிக்கன் டீவிக்களை பின்பற்றக் கூடாது.

ஜோடி நம்பர் 1

அன்பு நேயர்களுக்கு,

விஜய் டிவியில் வாரா வாரம் ஒளிபரப்பாகும் ஜோடி நம்பர் 1 சீசன் 2 வில், வர வர நிறைய டிராமாக்களையும் பார்க்க நேரிடுவதைப் அறிவீர்கள். அதில் கடந்த வார போட்டியில் எலிமினேஷன் ஆன கிருத்திகா ஸ்ரீ ஜோடியில், கிருத்திகாவின் தாய் செய்த நாடகத்தை பார்க்க மிகவும் வேடிக்கையாக இருந்தது. போட்டி என்று வந்துவிட்டாலே அதில் வெற்றியும் தோல்வியும் சகஜம் தான். இது கூட தெரியாதவர்களா அவர்கள்.

இந்த வார போட்டியை பார்த்தால் அதைவிட மோசம், ஜட்ஜே தன்னை எலிமினேட் செய்துக் கொண்டதை பார்க்க அதைவிட வேடிக்கையாக இருந்தது. நடிகர் பிரித்திவிராஜ் கேட்டதில் என்ன தவறு இருக்கின்றது என்று தெரியவில்லை.அதை ஒரு பெரிய சீன் ஆக்கி விட்டார் நடிகர் சிம்பு, பார்க்க சிறு பிள்ளைதனமாக இருந்தது. ஜட்ஜுக்கு,நடனத்தில் நன்கு தேர்ச்சி இருந்தால் மட்டும் போதாது, நல்ல அனுமவமும் இருக்க வேண்டும்.இல்லையென்றால் இப்படிதான் அழுது புலம்பும் படி ஆகிவிடும்.

இந்த நிகழ்ச்சியை பார்த்துவரும் நேயர்களும், தங்களின் கருத்தை கூற வேண்டும் என்று கேட்டுக் கொள்கின்றேன்,நன்றி.


Note : ஜோடி நம்பர் 1 : சீரியல்